இந்தியா: முஸ்லிம் இடஒதுக்கீட்டை எதிர்த்து பிரச்சாரம்-பிரவீன் தொகாடியா.

                                                    அகமதாபாத்: இந்து தீவிரவாத அமைப்பான பஜ்ரஙதள் ஏற்பாடு செய்திருந்த திரிசூலம் விநியோகிக்கும் விழாவுக்கு மற்றுமொரு இந்து தீவிரவாத அமைப்பான வி.ஹெச்.பி-யின் அகில உலக தலைவர் பிரவீன் தொகாடியா ஆற்றிய உரையில் "மத்திய அரசு மிகவும் பின்தங்கிய மக்களுக்கான 27 சதவிகித இடஒதுக்கீட்டில் முஸ்லிம்களுக்கு 4.5 சதவிகித உள்ஒதுக்கீடு முடிவை திரும்ப பெற வேண்டும், அப்படி இல்லையென்றால் உள்நாட்டு கலவரம் வெடிக்கும்" என்று கூறினார் . 

மேலும், இதற்கு எதிராக நாடு முழுவதும் பிரச்சாரம் செய்யபோவதாக தெரிவித்துள்ளார். சமீபத்தில் கேரளாவில் இதே போன்றதொரு இந்திய இறையாண்மைக்கு எதிராக ஆற்றிய உரைக்கு எதிராக பாபுலர் ஃபிரான்ட் ஆப் இந்தியாவின் பொது செயலாளர் அப்துல் ஹமீது வெளியிட்டுள்ள அறிக்கையில் வலியுறுத்திய வி.ஹச்.பி-யை தடை செய்ய வேண்டும் என்ற கூற்று குறிப்பிடதக்கதாகும்.