KIFF நடத்தும் "ஆரோக்கியமான வாழ்கையே மகிழ்ச்சியான வாழ்க்கை" கருத்தரங்கம்

குவைத்: குவைத் இந்தியா ஃபிரடர்நிட்டி ஃபாரம்(KIFF) நடத்தும் ஆரோக்கியமான வாழ்கையே மகிழ்ச்சியான வாழ்க்கை பிரச்சாரத்தின் தொடர்ச்சியாக வருகின்ற ஏப்ரல் 13 அன்று மாலை 6:45 மணிக்கு ஜம்மியத்துல் இஸ்லாஹி, ரவ்தா ஆடிட்டோரியத்தில் வைத்து ஆரோக்கியம் சம்பந்தமான கருத்தரங்கம் நடைபெற இருக்கிறது.

கருத்தரங்கம் KIFF-ன் தலைவர் திரு.அப்துல் சலாம் அவர்களின் தலைமையில் டாக்டர்.சுலைமான் ஷாதி, தலைவர், ஜமியதுல் இஸ்லாஹ் அவர்களின் துவக்க உரையோடு தொடங்கப்படும், சிறப்பு பேச்சாளர்களாக டாக்டர். அப்துர் ரகுமான் (ஜஹ்ரா அரசு மருத்துவமனை) மற்றும் டாக்டர். தாமஸ் ஐசக் (அல்-சபாஹ் மருத்துவமனை) அவர்கள் முறையே ஆரோக்கியமும்,இஸ்லாமும் மற்றும் இதய நோய்களும், தீர்வுகளும் என்ற தலைப்புகளில் உரை நிகழ்த்த இருக்கிறார்கள்.மேலும் உடற்பயிற்சியின் செயல்முறை விளக்கங்களும் விளக்கப்படும்என்று KIFF- ன் தலைவர் பத்திரிக்கையாளர்கள் சந்திப்பின் போது கூறினார். 

மேலும் அவர் அனைவரும் குடும்பத்துடன் கலந்து கொண்டு பயன்பெற வேண்டும் என்றும் கேட்டுக்கொண்டார்.கடந்த  மார்ச் 30 -ம் தேதி அன்று இந்த பிரச்சாரத்தின் தொடக்க விழா சிறப்பாக நடைபெற்றது என்பது குறிப்பிடத்தக்கது.