வரலாறு படைத்த பாப்புலர் ஃப்ரண்டின் சமூக நீதி மாநாடு

புதுடெல்லி:ஒடுக்கப்பட்ட-சிறுபான்மை மக்களின் சமூகநீதிக்கான போராட்டத்தில் புதிய வரலாற்றை படைத்து பாப்புலர் ஃப்ரண்ட் ஆஃப் இந்தியாவின் மாநாடு நிறைவுற்றது.

அரபிக்கடல் பகுதியில் உருவான நவீன சமூக இயக்கம் யாத்திரைகளுக்கு இடையே கற்களையும், முட்களையும் தாண்டி வரலாற்று நினைவுச் சின்னங்களின் அழகு நிறைந்த மாநகரத்தின் இதயத்தை தன் வசப்படுத்தியது. இரண்டு தினங்களாக நடந்த சமூக நீதி மாநாட்டில் ஏராளமான வரலாற்று சம்பவங்களுக்கு சாட்சியம் வகித்த ராம்லீலா மைதானம் மக்கள் வெள்ளத்தால் நிரம்பி வழிந்தது. அத்துடன் பாப்புலர் ஃப்ரண்டின் செயல் வீரர்களின் கட்டுப்பாடு மற்றும் ஒழுக்கமும் ஒன்றிணைந்த பொழுது மாநாடு டெல்லியில் ஒவ்வொரு சாதாரண குடிமகனுக்கும் சொந்தமானது.

ராம்லீலா மைதானத்தில் நேற்று மதியம் துவங்கிய பிரம்மாண்ட பொதுக்கூட்டத்தில் சமாஜ்வாதி கட்சியின் தலைவர் முலாயம்சிங் யாதவ் முக்கிய விருந்தினராக கலந்துகொண்டார். சமூகநீதிக்கான பாப்புலர் ஃப்ரண்ட் ஆஃப் இந்தியாவின் போராட்டத்தில் நாங்களும் உடனிருக்கிறோம் என முலாயம் கூறினார். அவர் தனது உரையில் குறிப்பிட்டதாவது: ‘சச்சார் கமிட்டி அறிக்கையும், ரங்கநாத் மிஸ்ரா கமிட்டி அறிக்கையும் முஸ்லிம்களின் துயரமான நிலையை சுட்டிக்காட்டிய பொழுதும் அது தொடர்பாக நடவடிக்கை மேற்கொள்ள காங்கிரஸ் காட்சி தயாராகவில்லை. தேர்தல் காலத்தில் மக்களை முட்டாள்களாக்கும் உபகரணமாகவே காங்கிரஸிற்கு இந்த அறிக்கைகள் மாறின. இரண்டு தடவை வாய்ப்பு கிடைத்த பிறகும் காங்கிரஸ் முஸ்லிம்களுக்காக ஒன்றும் செய்யவில்லை. முஸ்லிம்கள் ஒன்றிணைந்தால் நாட்டை ஆட்சிபுரிவது யார்? என்பதை கூட அவர்களால் தீர்மானிக்க முடியும். முஸ்லிம்களுக்கு இடஒதுக்கீடு வழங்குவோம் என கூறும் மத்திய அமைச்சர், அதற்காக ஒரு மசோதா கூட கொண்டுவர தயாராகவில்லை.’ இவ்வாறு முலாயம்சிங் கூறினார்.

பாப்புலர் ஃப்ரண்ட் ஆஃப் இந்தியாவின் தேசிய தலைவர் இ.எம்.அப்துற்றஹ்மான் அவர்களின் தலைமை உரையுடன் மாநாட்டு பொதுக்கூட்டம் துவங்கியது. ஆல் இந்தியா மஜ்லிஸே முஷாவரா தலைவர் செய்யது ஸலாஹுத்தீன், ஆல் இந்தியா முஸ்லிம் தனியார் சட்டவாரிய செயலாளர் மெளலானா முஹம்மது வலீ ரஹ்மானி, ராமஜென்மபூமி கோயில் முக்கிய புரோகிதர் மஹந்த் ஆச்சார்யா சத்தியோந்திர தாஸ் மகராஜ், சோசியல் டெமோக்ரேடிக் பார்டி ஆஃப் இந்தியாவின் தேசிய தலைவர் இ.அபூபக்கர், லோக் ஜனசக்தி பொதுச்செயலாளர் அப்துல் ஃஹாலிக், அஜ்மீர் ஷரீஃப் காதிம் ஸய்யித் ஸர்வார் ஸிஸ்தி, ஃபதேஹ்பூரி இமாம் முஃப்தி முஹம்மது முகர்ரம் அஹ்மத், ராஷ்ட்ரீய ஸஹாரா எடிட்டர் அஸீஸ் பர்ணி, ஆல் இந்தியா மில்லி கவுன்சில் துணைத்தலைவர் மவ்லானா டாக்டர்.யாஸீன் உஸ்மானி, அம்பேத்கர் சமாஜ்வாதி கட்சி தலைவர் பாயி தேஜ்சிங், ஜாமிஆ மில்லியா பல்கலைக்கழக பேராசிரியர் ஹஸீன் ஹாஷியா, ஆல் இந்தியா இமாம்ஸ் கவுன்சில் தலைவர் மவ்லானா உஸ்மான் பேக், நேசனல் விமன்ஸ் ஃப்ரண்ட் துணைத் தலைவர் எ.எஸ்.ஸைனபா, கேம்பஸ் ஃப்ரண்ட் ஆஃப் இந்தியாவின் தேசிய தலைவர் அனீஸ்ஸுஸமான் ஆகியோர் உரை நிகழ்த்தினர். இப்பொதுக்கூட்டத்தில் தவிர்க்க இயலாத காரணத்தால் கலந்துக்கொள்ளவியலாத லோக் ஜனசக்தி தலைவர் ராம்விலாஸ் பஸ்வானின் வாழ்த்துச்செய்தி மாநாட்டில் வாசிக்கப்பட்டது.

பாப்புலர் ஃப்ரண்ட் ஆஃப் இந்தியாவின் பொதுச்செயலாளர் கெ.எம்.ஷெரீஃப் வரவேற்புரை நிகழ்த்தினார். ராஜஸ்தான் மாநில தலைவர் முஹம்மது ஷாஃபி நன்றி நவின்றார். பாப்புலர் ஃப்ரண்ட் ஆஃப் இந்தியாவின் தேசிய துணைத்தலைவர் முஹம்மது அலி ஜின்னா ‘டெல்லி பிரகடனத்தை’ வாசித்தார்.

சமூகநீதி மாநாட்டிற்கு உற்சாகமான துவக்கம்

புதுடெல்லி:வரலாற்றின் ராஜபாதையில் புதிய காலடித் தடங்களை பதித்துக்கொண்டு பாப்புலர் ஃப்ரண்ட் ஆஃப் இந்தியாவின் இரண்டு நாள் மாநாடு திரளான மக்கள் ஆதரவுடன் உற்சாகமாக துவங்கியது.

நேற்று காலை 9.30 மணிக்கு பாப்புலர் ஃப்ரண்ட் ஆஃப் இந்தியாவின் தேசிய தலைவர் இ.எம்.அப்துற்றஹ்மான் நட்சத்திரம் பதித்த மூவர்ண கொடியை ஏற்றி மாநாட்டை துவக்கி வைத்தார். தேசிய-மாநில தலைவர்களும், பல்வேறு மாநிலங்களில் இருந்து வருகை தந்த பல்லாயிரக்கணக்கான பிரதிநிதிகளும் தக்பீரையும், கோஷங்களையும் உரத்த குரலில் முழங்கிய பொழுது மாநாட்டு நகர் மெய் சிலிர்த்தது.

ஆல் இந்தியா இமாம்ஸ் கவுன்சில் தலைவர் மவ்லானா உஸ்மான் பேக் பிரார்த்தனை புரிந்தார். டெல்லி 100-வது ஆண்டை கொண்டாடும் சரித்திர வேளையில் சிறுபான்மை, ஒடுக்கப்பட்ட மக்களை பலப்படுத்துவதற்கான புதிய காலடித்தடமாக பாப்புலர் ஃப்ரண்டின் மாநாடு துவங்கியது குறிப்பிடத்தக்கது.

டெல்லியில் நடைபெற்ற பத்திரிக்கையாளர்கள் சந்திப்பு நிகழ்ச்சி

புதுடெல்லி: நேற்றைய தினம் 23.11.2011 அன்று பாப்புலர் ஃப்ரண்ட் ஆஃப் இந்தியா பத்திரிக்கையாளர்கள் சந்திப்பு நிகழ்ச்சிற்கு ஏற்பாடு செய்திருந்தது. பிற்பகல் 12 மணி அளவில் நடைபெற்ற இந்நிகழ்ச்சிக்கு தேசிய தலைவர் இ.எம். அப்துர் ரஹ்மான் தலைமை தாங்கினார். பாப்புலர் ஃப்ரண்டின் உயர்மட்ட குழு தலைவர்கள் இதில் கலந்து கொண்டனர்.


26 மற்றும் 27 ஆகிய தேதிகளில் ராம்லீலா மைதானத்தில் நடக்க இருக்கும் சமூக நீதி மாநாடு வெற்றி பெறுவதற்காக உங்களது ஒத்துழைப்பையும், ஆதரவை எதிர்பார்க்கிறோம். அனைவரும் ஒன்றினைந்து தேசத்தை நீதியால் கட்டமைப்போம் என்று  கேட்டுக்கொள்கிறேன்.

ஊடக தொடர்பாளர்
அனீஸ் அஹமது

பத்திரிக்கையாளர்களுக்கு தேசிய தலைவர் அளித்த பேட்டியின் விபரம் வருமாறு

பாப்புலர் ஃப்ரண்ட் ஆஃப் இந்தியா சார்பாக நடைபெற விருக்கும் "சமூக நீதி மாநாடு" புதுடெல்லி ராம்லீலா மைதானத்தில் 26 மற்றும் 27 ஆகிய தினங்களில் நடைபெறும். மாநாட்டிற்கான பணிகள் பெரும்பாலும் முடிந்துவிட்ட நிலையில், இந்தியாவில் இருந்து ஒவ்வொரு பகுதிகளிலிருந்தும் மக்கள் புறப்பட்டு டெல்லியை நோக்கி வந்து கொண்டிருக்கின்றனர். மாநாட்டின் இறுதி நாளான 27ஆம் தேதி அன்று நடக்க விருக்கும் பொதுக்கூட்டத்திற்கும் மிகப்பெரிய அளவில் மக்கள் திரண்டு வருவார்கள் என எதிர்பார்க்கிறோம்.

மக்களின் உரிமைக்காகவும், நீதிக்காகவும், ஒற்றுமையுடன் பல்வேறு சமூக தலைவர்கள், அறிவுஜீவிகள், சமூக ஆர்வளர்கள் கலந்து கொள்ளக்கூடிய வகையில் இம்மாநாடு அமையும். நமது முன்னோர்கள் கனவு கண்ட "சமூக நீதி" என்பது எல்லா மக்களுக்கும் கிடைக்க வேண்டும், அதற்காக மக்கள் தயாராக வேண்டும் என்ற அடிப்படையில் மக்கள் மத்தியில் விழிப்புணர்வை ஏற்படுத்துவதே இம்மாநாட்டின் லட்சியமாகும். இன்றைய காலகட்டத்தில் நமது தேசம் பல ஆபத்துக்களை எதிர்கொண்டு வருகிறது. அவற்றில் ஊழல், மதவாத சக்திகள், காலணியாதிக்கம், தலித் மற்றும் சிறுபான்மை மக்களுக்கு எதிரான தாக்குதல்கள், விவசாயிகளின் தற்கொலைகள் மற்றும் மனித உரிமைய் மீறல்கள் போன்றவை மிக ஆபத்தானதாகும். இத்தகைய நிலையில் மக்களை ஒன்று திரட்டி சமூக நீதிக்காக போராட வேண்டிய கட்டாயச் சூழல் ஏற்பட்டுள்ளது. 26ஆம் தேதி காலை 9:30 மணி அளவில் பாப்புலர் ஃப்ரண்ட் ஆஃப் இந்தியாவின் தேசிய தலைவர் இ.எம். அப்துர்ரஹ்மான் பாப்புலர் ஃப்ரண்டின் மூவர்ணக்கொடியை ஏற்றி மாநாட்டினை துவக்கி வைப்பார். முதல் நாளன்று இரண்டு கருத்தரங்கங்கள் நடைபெறும். இரண்டாம் நாளான 27ஆம் தேதி அன்று மாபெரும் பொதுக்கூட்டம் நடைபெறும்.

பாப்புலர் ஃப்ரண்ட் நடத்தும் சமூக நீதி மாநாடு: அரசியல், சமூக பிரமுகர்கள் பங்கேற்பு

புதுடெல்லி:வருகிற 26,27 ஆகிய தினங்களில் டெல்லி ராம்லீலா மைதானத்தில் பாப்புலர் ஃப்ர்ண்ட் ஆஃப் இந்தியா சார்பாக நடைபெறவிருக்கும் சமூக நீதி மாநாட்டில் அரசியல் மற்றும் சமூகத்துறையை சார்ந்த பிரபலங்கள் பங்கேற்கின்றார்கள்.

சமாஜ்வாதி கட்சி தலைவர் முலாயம்சிங் யாதவ், காங்கிரஸ் கட்சியின் தலைவர்களில் ஒருவரான ஆஸ்கர் பெர்னாண்டஸ், லோக் ஜனசக்தியின் தலைவர் ராம்விலாஸ் பஸ்வான் உள்பட பல்வேறு தலைவர்கள் இம்மாநாட்டில் கலந்துகொள்கின்றனர்.

பாப்புலர் ஃப்ரண்ட் ஆஃப் இந்தியாவின் தேசிய தலைவர் இ.எம்.அப்துற்றஹ்மான் பத்திரிகையாளர்கள் சந்திப்பில் மாநாட்டு நிகழ்ச்சிநிரலை குறித்து பேட்டியளித்தார்.

இம்மாநாடு, சிறுபான்மை சமூகங்களின் சமூக நீதிக்கான போராட்டத்தில் இம்மாநாடு நிர்ணாயக பங்கினை வகிக்கும் என இ.எம்.அப்துற்றஹ்மான் தெரிவித்தார்.

வருகிற 26-ஆம் தேதி சனிக்கிழமை காலை 9.30 மணிக்கு பாப்புலர் ஃப்ர்ண்ட் ஆஃப் இந்தியாவின் தேசிய தலைவர் மாநாட்டுத் திடலில் கொடியை ஏற்றிவைப்பார்.

26-ஆம் தேதி டுகெதர் எம்பவர்மெண்ட்: டயலாக் வித் ஃப்யூச்சர், பீப்பிள்ஸ் ரைட் டூ ஜஸ்டிஸ் ஆகிய தலைப்புகளில் இரண்டு கருத்தரங்குகள் நடைபெறும்.

திருப்பூர் மக்களுக்காக ரூபாய் 8 லட்சம் நிதி வசூல் ஆனது

திருப்பூரில் வெள்ளத்தால் பாதிக்கப்பட்ட மக்களுக்காக கடந்த வெள்ளிக்கிழமை 18.11.2011 அன்று தமிழகம் முழுவதும் பாப்புலர் ஃப்ரண்ட் ஆஃப் இந்தியா சார்பாக ஜும்மா தொழுகையின் போது மஸ்ஜிதுகளில் நிவாரண நிதி திரட்டப்பட்டது. ஏற்கனவே கூறியது போல திரட்டப்பட்ட நிதி திருப்பூர் ஜமாத்தாரிடம், பாப்புலர் ஃப்ரண்ட் ஆஃப் இந்தியாவின் மாநில ஏ.எஸ். இஸ்மாயில் வழங்கினார். ரூபாய் 8 லட்சம் நிதியாக திரட்டப்பட்டது.

சமூக நீதி மாநாடு

சமூக நீதி மாநாட்டிற்காக தயாராகும் தலை நகரம்.

பாப்புலர் ஃப்ரண்ட் ஆஃப் இந்தியா சார்பாக இந்த மாதம் 26 மற்றும் 27 ஆகிய தேதிகளில் புதுடெல்லி ராம்லீலா மைதானத்தில் சமூக நீதி மாநாட்டை நடத்த இருப்பதை தாங்கள் நன்கு அறிவீர்கள். மாநாட்டிற்காக தற்போது குறைந்த நாட்களே இருக்கின்ற நிலையில் சமூக நீதி மாநாட்டை வரவேற்பதற்காக தலைநகரம் தயாராகிவருகிறது. மாநாட்டிற்கான ஏற்பாடுகளை துவங்குவதற்காக தொண்டூழியர்கள் (வாலண்டியர்ஸ்) இந்தியாவின் பல நகரங்களிலிருந்தும் டெல்லையை நோக்கி வந்து கொண்டிருக்கிறார்கள்.

தலைநகரில் மாநாட்டிற்கான பிரச்சாரங்கள் முழுவீச்சில் நடைபெற்று வருகிறது. பொதுக்கூட்டங்கள், தெருமுனைக்கூட்டங்கள், வீடுவீடாகச் சென்று மக்களுக்கு தெரிவிப்பது, சுவரொட்டிகள், துண்டு பிரசுரங்கள் போன்றவற்றின் மூலமாக பிரச்சாரங்கள் நகரம் முழுவதும் நடைபெற்று வருகிறது.

கடந்த வெள்ளிக்கிழமை அன்று ஜும்மா தினத்தில் டெல்லீல் பிரசித்திப்பெற்ற ஜும்மா மஸ்ஜிதில் வெளிநாட்டவர்கள் முதற்கொண்டு பல்லாயிரக்கணக்கான மக்கள் திரண்டு வந்து மாநாட்டிற்கான பிரச்சார நிகழ்ச்சியில் கலந்துகொண்டனர்.

வாருங்கள் டெல்லியை நோக்கி!

இந்தியாவில் எல்லா பகுதிகளிலும் மாநாட்டை வரவேற்பதற்காக காத்துக்கொண்டிருக்கிறது. ஒவ்வொரு இடத்திலும் மாநாட்டிற்கான பிரச்சாரத்தின் போது "வாருங்கள் டெல்லியை நோக்கி!" என்ற அழைப்பு விடுக்கப்பட்டது. இதனை மக்கள் ஏற்றுக்கொண்டு தற்போது பல்லாயிரக்கணக்கான மக்கள் நாட்டின் பல பாகத்திலிருந்தும் டெல்லி புறப்பட தயாராகி வருகிறார்கள். ஒரு நிகழ்ச்சியில் பங்கெடுக்கப்போகிறோம் என்ற எண்ணத்தில் அல்லாது சமூக நீதியை அடைந்தே தீருவோம் என்ற லட்சிய வேட்கையோடு தங்களது சொந்த மண்ணிலிருந்து தலைநகரை நோக்கி வருவதற்கு தயாராகிக்கொண்டிருக்கிறார்கள்.

மாபெரும் மாநாடு

மாநாட்டு திடலான ராம்லீலா மைதானம் அருகே டீக்கடை நடத்திக்கொண்டிருப்பவரிடம் கேட்டதற்கு " कान्फॆरन्स् हर् थिन् हॊथॆ रॆह्थॆ हॆ, लॆकिन् छब्बीस्, स्थायीस् को येक् बदा कान्फॆरन्स् होने वाले."(ராம்லீலா மைதானத்தில் ஒவ்வொரு  நாளும் மாநாடு நடைபெற்று வருகிறது. ஆனால் 26 மற்றும் 27 ஆகிய தேதிகள் ஒரு மிகப்பெரிய பிரம்மாண்டமான மாநாடு நடைபெறப்போவதாக உணர்கிறேன்) எனக்கூறினார்.

மாநாட்டை காண்பதற்காக ஆர்வம், சமூக நீதியை அடைய வேண்டும் என்கிற வேட்கை அடித்தட்டு மக்களிடம் இருந்து அனைவருக்கும் போய் சென்றடைந்துள்ளது என்பதை உணர்த்துகிறது.

ஐ. முஹம்மது தன்வீர்
ஊடக தொடர்பு
மொபைல்: +91 85278 24518
மின்னஞ்சல்: sjcmediateam@gmail.com

ஆர்.எஸ்.எஸ்-ற்கு பல்லக்கு தூக்கும் தினமலரின் மற்றுறொரு செய்தி

சென்னை: திருப்பூரில் வெள்ளப்பெருக்கு ஏற்பட்ட போது எத்துனையோ சமூக, சமுதாய அமைப்புகள் களம் இறங்கி நிவாரணப்பணிகளில் ஈடுபட்டது. ஆனால் ஆர்.எஸ்.எஸ் என்ற ஒரு இயக்கம் மட்டுமே மீட்புப் பணிகளில் ஈடுபட்டது போன்ற செய்தியை வெளியிட்டிருக்கிறது தினம் மலர்  என்ற ஃபாசிஸ பத்திரிக்கை.

சமீபத்தில் திருப்பூரில் வெள்ளப்பெருக்கு ஏற்பட்டு பெரும்பாலான மக்கள் அவதிப்பட்டு வீடுகளை இழந்து, உடமைகளை இழந்து மிகவும் சிறமப்பட்டனர். வெள்ளப்பெருக்கு ஏற்பட்ட அடுத்த நாள் முதலே பாப்புலர் ஃப்ரண்ட் ஆஃப் இந்தியா பாதிக்கப்பட்ட மக்களுக்காக ஈத் பெருநாள் என்று கூட பொருட்படுத்தாமல் களத்தில் இறங்கி மக்களுக்கான் நிவாரணப்பணிகளின் ஜாதி, மத பேதமின்றி பணியாற்றினர். சமீபத்தில் வெளியான புதிய தலைமுறை பத்திரிக்கையில் வெள்ளத்தால் பாதிக்கப்பட்ட ஒருவர் கூறும் போது "பாப்புலர் ஃப்ரண்ட் ஆஃப் இந்தியாவினர் தான் தங்களுடைய உயிரையும் பொருட்படுத்தாது நிவாரணப்பணிகளில் ஈடுபட்டு எங்களை காப்பாற்றினார்கள்" என்று கூறியுள்ளார்.

தோல்வியை தழுவிய ஜனசேதனா ரத யாத்திரை!

கராச்சியில் பிறந்து இந்தியாவில் குடியேறிய லால் கிருஷ்ணா அத்வானியின் பிரதமர் பதவி மீதான தீராத மோகத்தால் உருவான ஜன சேதனா யாத்திரை நமத்துப்போன பட்டாசு போல டெல்லியில் பிசுபிசுத்து போனதில் எவருக்கும் கவலை இருப்பதாக தெரியவில்லை. இந்த யாத்திரை தோல்வியை தழுவியதில் அதிகம் மகிழ்ச்சி அடைபவர்கள் அவரது கட்சியான பா.ஜ.கவை சார்ந்தவர்களே ஆவர்!

ஊழலுக்கு எதிரான மத்திய தர வர்க்கத்தினரிடையே வீசும் எதிர்ப்பு அலையை தீவிர வலதுசாரி ஹிந்துத்துவாவுக்கு சாதகமாக்கி மீண்டும் அதிகாரத்தின் ஏணிப் படியாக மாற்றுவதற்கான முயற்சியின் ஒரு பகுதியாக அத்வானி ரதயாத்திரைக்கு கிளம்பினார். முன்பு இதே அத்வானி  நடத்திய ராம ரதயாத்திரையின் மூலம் சிறுபான்மை முஸ்லிம்களின் குருதியால் இந்திய தேசம் வன்முறைக் காடாக மாறியதை யாரும் மறந்துவிட முடியாது.

1990-ஆம் ஆண்டு அத்வானி  சோமநாதபுரத்திலிருந்து துவக்கி வைத்த முதல் யாத்திரை 3 ஆயிரத்திற்கும் அதிகமான மக்களின் படுகொலையுடன் முடிவடைந்தது. அவற்றுடன் ஒப்பிடுகையில் தற்போதைய ஊழல் எதிர்ப்பு ரத யாத்திரை அமைதியாக நடந்தது என கூறலாம். அதற்கு காரணம், ஆர்.எஸ்.எஸ்ஸின் வன்முறை மனோநிலையை கொண்ட பிரிவினர் இந்த யாத்திரைக்கு போதுமான ஆதரவை அளிக்காததே ஆகும்.

பத்திரிகையாளர்களுக்கு லஞ்சம் கொடுத்துதான் அடிக்கடி வழியில் பஞ்சரான ரதயாத்திரைக்கு பா.ஜ.க உற்சாகம் அளித்தது. வெடிக்குண்டு கைப்பற்றப்பட்டதாக ஒரு சில செய்திகள் வெளியானதும், ஜெயலலிதாவின் ஒத்துழைப்புடன் ஒரு சில ‘பயங்கர….வாதிகள்(?)’  கைதுச் செய்யப்பட்டாலும் அதனால் எவ்வித பலனும் ஏற்படவில்லை.

டெல்லியில் ஜெயின் சகோதரர்களிடமிருந்து ஹவாலா பணத்தை கைப்பற்றிய நற்பெயரும் அத்வானிக்கு உண்டு. அன்று ஹவாலா மோசடியில் சிக்கியவர்கள் தேசிய தலைவர்கள் என்பதால் ஜே.கே.ஜெயினின் டைரிக் குறிப்பு ஆதாரமாக ஏற்றுக் கொள்ளபடவில்லை.

அத்வானியின் செல்வாக்கு கொடிக்கட்டி பறந்த தேசிய ஜனநாயக கூட்டணியின் ஆட்சியின் போது பொதுச் சொத்துக்களை தனியாருக்கு தாரை வார்க்க தனியாக அமைச்சகம் ஒன்று துவங்கப்பட்டது. தலித்-சிறுபான்மை எதிர்ப்பாளரான அருண்சோரிதான் இத்துறைக்கு அமைச்சராக அதாவது இடைத்தரகராக செயல்பட்டார்.

கனிமொழியும், ஆ.ராசாவும் சிறையில் அடைக்கபடுவதற்கு காரணமான 2ஜி ஸ்பெக்ட்ரம் ஊழல் துவங்கியதும் பா.ஜ.க தலைமையிலான என்.டி.ஏ ஆட்சியின் போதுதான். பாதுகாப்புத் துறையிலும், கார்கில் போரில் இறந்துபோன ராணுவ வீரர்களின் உடல்களை கொண்டுசெல்வதற்கு வாங்கிய சவப்பெட்டியிலும் கூட ஊழல் புரிந்து சாதனைப் படைத்த கட்சிதான் பா.ஜ.க. இத்தகைய புகழ்பெற்ற கட்சியின் முன்னாள் தலைவர் பங்காரு லட்சுமணன் லஞ்சமாக ஒரு கோடி ரூபாயை கைப்பற்றியதை டெஹல்கா தனது ரகசிய கேமராவில் பதிவுச் செய்தது.

குஜராத்தில் முஸ்லிம் இனப்படுகொலை புகழ் நரேந்திரமோடி பொதுச் சொத்துக்களை டாட்டாவுக்கும், அம்பானிக்கும் தாரை வார்த்துவிட்டு வளர்ச்சியின் நாயகனாக நடித்து வருகிறார்.

வடமாநிலங்களில் அத்வானி குளிரூட்டப்பட்ட ரதத்தில் ஊழலைக் குறித்து மக்களுக்கு விழிப்புணர்வூட்டிக் கொண்டிருக்கும் வேளையில்தான் பா.ஜ.கவின் தென்னக ஹீரோ எடியூரப்பா நிலமோசடி வழக்கில் கைதுச் செய்யப்பட்டு சிறையிலடைக்கப்பட்டார். இதற்கு முன்னர் சட்டவிரோத சுரங்கத் தொழில் மூலமாக 16 ஆயிரம் கோடி ரூபாய் அரசுக்கு இழப்பீட்டை ஏற்படுத்தியதாக லோக ஆயுக்தா குற்றம் சாட்டிய ஜனார்த்தன ரெட்டி சி.பி.ஐயால் கைதுச் செய்யப்பட்டுள்ளார். உத்தராகண்டில் அம்மாநில பா.ஜ.க முதல்வர் ரமேஷ் பொக்ரியால் பதவி விலக நேர்ந்ததற்கு ஊழல்தான் காரணம். இந்நிலையில் பா.ஜ.க ஊழலை குறித்து பேசுவதே காமெடியாகும். திருடனை குறைகூறும் கொள்ளையர்களுக்கு சமமானதுதான் பா.ஜ.க.

அக்கட்சியில் பிரதமருக்கான ஆடையை தைத்து இஸ்திரி போட்டு கசங்காமல் காத்து வரும் நரேந்திர மோடியும், கடுமையாக உடற்பயிற்சி மேற்கொண்டு உடலிலிருந்து ஊளைச் சதைகளை குறைத்து ஃபெய்ஸ் லிஃப்டிங் நடத்தி அழகனாக முயற்சிக்கும் நிதின் கட்கரியும், இளமையை இன்னமும் நாம் இழந்துவிடவில்லை என கருதும் முன்னாள் பல்கலைக்கழக பேராசிரியர் முரளி மனோகர் ஜோஷியும் எழுப்பும் சவால்களை சந்திக்க கூட ஜனசேதனா யாத்திரை அத்வானிக்கு உதவாது என்பதுதான் உண்மை.

அ.செய்யது அலீ.

ஜெயலலிதாவின் நம்பிக்கை துரோகம்..

மாவட்ட ஆட்சியர்கள் மாநாட்டில் எல்லாரும் எல்லாமும் பெறவேண்டும் என்று சொன்ன தமிழக முதல்வர் ஜெயலலிதா அதிரடியாகப் பேருந்துக் கட்டணம், பால் விலை போன்றவைகளை உயர்த்தி அறிவிப்புகளை வெளியிட்டுள்ளார். மின்சாரக் கட்டணத்தையும்  உயர்த்த  மின்சார ஒழுங்கு முறை ஆணையத்துக்கு அரசு பரிந்துரை செய்துள்ளது. விரைவில் மின்சாரக் கட்டண உயர்வையும் தமிழக மக்கள் தங்கள் தலையில் சுமக்க வேண்டி வரும். 

பால் விலை, பேருந்துக் கட்டண உயர்வு குறித்துத் தொலைக் காட்சியில் தெரிவித்த தமிழக முதல்வர் 'வழக்கம் போலவே கருணாநிதி ஆட்சியைச் சாடினார்.மேலும் தமிழக அரசின் இலவசத் திட்டங்களுக்கு மத்திய அரசு நிதி தராததாலும் போக்குவரத்துக் கழகச் சொத்துக்கள் வங்கிகளில் அடைமானம் வைக்கப் பட்டுள்ளதாலும் பெருகி வரும் நஷ்டத்தை ஈடு கட்டக் கட்டணங்களை  உயர்த்துவதாக விளக்கமும் அளித்துள்ளார் ஜெயலலிதா.

மக்களை வசியப்படுத்த, 'தி மு கவின் தேர்தல் அறிக்கை'யைப் பார்த்துத் தாம் காப்பியடித்த தேர்தல் அறிக்கை வெளியிடும்போது மத்திய அரசின் நிதி கிடைத்தால் இலவசங்கள் தருவேன் என ஜெயலலிதா சொல்லவில்லையே! ஏதோ தம் பையிலிருந்து கொடுப்பதுபோல் அம்மி முதல் ஆட்டுக்குட்டிவரை அள்ளி வழங்குவதாக அறிவித்து விட்டு இப்போது மத்திய அரசின் நிதி கிடைக்கவில்லை எனப் பழி போடுவது வாக்களித்த மக்களை நயவஞ்சகமாக ஏமாற்றுவதாகும். தமிழக அரசின் இலவசத் திட்டங்களுக்கு நிதி தருவோம் என மத்திய அரசு ஜெயலலிதாவுக்கு வாக்குறுதி ஏதும் கொடுத்திருக்கவில்லையே? பின் ஏன் இந்தத் திசை திருப்பும் நாடகம்?

தி மு க ஆட்சியின் போது பேருந்துக் கட்டணத்தை உயர்த்துவதற்குப் பேருந்து உரிமையாளர்கள் பலமுறை முயன்றும் கருணாநிதி ஒப்புக்கொள்ளவில்லை என்பதையும் கருணாநிதியைக் குறை சொல்லும் ஜெயலலிதா எண்ணிப்பார்க்க வேண்டும்.

கூடங்குளம்:பேச்சுவார்த்தை தோல்வி

கூடங்குளம்:கூடங்குளம் அணுமின் நிலைய பிரச்னை தொடர்பாக மத்திய, மாநில குழுக்கள் இடையே வெள்ளிக்கிழமை நடைபெற்ற 2-ம் கட்ட பேச்சுவார்த்தை தோல்வி அடைந்தது.

போராட்டக் குழுவினரின் அனைத்து சந்தேகங்களுக்கும் பதில் அளித்துவிட்டதாக மத்திய நிபுணர் குழுவினரும், போராட்டம் தொடரும் என போராட்டக் குழுவினரும் தெரிவித்தனர்.

கூடங்குளம் அணுமின் நிலையத்தை மூட வலியுறுத்தி இடிந்தகரையில் அப்பகுதி மக்கள் கடந்த 2 மாதங்களுக்கும் மேலாக தொடர் போராட்டம் நடத்திவரும் நிலையில், இந்தப் பேச்சுவார்த்தையில் எந்த முடிவும் எட்டப்படாதது பெரும் பின்னடைவாகக் கருதப்படுகிறது.

திருநெல்வேலி ஆட்சியர் அலுவலகத்தில் நடைபெற்ற இந்தப் பேச்சுவார்த்தையில் மத்திய நிபுணர் குழு சார்பில் ஏ.இ.முத்துநாயகம் உள்ளிட்ட 13 பேரும், மாநிலக் குழு சார்பில் திருநெல்வேலி மாவட்ட ஆட்சியர் இரா.செல்வராஜ் மற்றும் அணுசக்திக்கு எதிரான மக்கள் இயக்கத்தைச் சேர்ந்த புஷ்பராயன் உள்ளிட்ட 5 பேரும் பங்கேற்றனர். கூட்டத்தில், அணுஉலை பாதுகாப்பு தொடர்பாக மாநிலக் குழுவில் இடம்பெற்றுள்ள போராட்டக் குழுவினரின் கேள்விகளுக்கு மத்திய குழுவினர் விளக்கங்களை அளித்தனர். இருப்பினும், அந்த விளக்கங்கள் போராட்டக் குழுவினருக்குத் திருப்தியளிக்கவில்லை என்று தெரிகிறது. 2 மணி நேரம் நடைபெற்ற பேச்சுவார்த்தையில் சுமுக முடிவு எதுவும் எட்டப்படவில்லை.

வெற்றியின் இரகசியம் – இஸ்திகாரா தொழுகை!

ஒரு  வாலிபன் ஒரு பெண்னை  திருமணம் செய்வதற்காக வேண்டி இஸ்திஹாரா தொழுகையை தொழுகின்றான்;  பின்னர் திருமணத்துக்காக    தயாராகின்றான்;  அப்போது     அவனது சகோதரன்  அப்பெண்னை  திருமணம்  முடிப்பதை விட்டும் அவனைத் தடுக்கின்றான். வேறு குடும்பத்தில் பெண் பார்க்க வேண்டுகிறான்.  அந்த வாலிபனோ, தான் பார்த்த பெண்னை மணம் முடிப்பதற்காக தனது சகோதரனை  கவரும் வகையில் பல முயற்சிகளை மேற்கொள்கிறான்;  ஆனால் அனைத்து முயற்சிகளும்  பயனளிக்கவில்லை.  இறுதியில்  வேறொரு பெண்னை மணக்கின்றான்.  குறிப்பிட்ட சில நாட்களுக்குப் பின்னர் அவ்வாலிபனுக்கு முதலாவது திருமணம்  பேசப்பட்ட அப்பெண் மரணிக்கின்றாள். தற்போது அவனுக்கு தான் தொழுத அந்த இஸ்திஹாரா தொழுகையில் முழுமையான திருப்தி ஏற்பட்டதோடு தன்னை தடுத்த தனது சகோதரனின் விருப்பமின்மை அவனுக்கு நல்லதாக அமைந்தது.


ஒரு வாலிபன் தொழிற்சாலை ஒன்றில் காலை மாலை என இரண்டு நேரங்களிலும் வேலை பார்த்து வந்தான்;  ஆனால் அவனது சம்பளமோ தனது அடிப்படைத் தேவையைக்கூட நிறைவேற்ற  போதாது; அல்லாஹ் அவனுக்கு நேரான வழியைக் காட்டினான்;  அல்- குர்ஆன் மனனப்பிரிவில் சேர்ந்தான்;  அத்தோடு பள்ளியில் நடக்கக்கூடிய மார்க்க வகுப்புக்களிலும், மார்க்க சொற்பொழிவுகளிலும் தவறாமல் கலந்து கொள்பவனாக இருந்தான். என்றாலும் அவனது தொழிலோ அதற்குத் தடையாகவே இருந்து வந்தது. இதனால், தான் மனைவி மக்களுடன் வீட்டில் இருப்பதற்கும் வீட்டின் அடிப்படை தேவைகளை நிறைவேற்றுவதற்கும்  மிக மிக குறைவாகவே  அவனுக்கு நேரம் கிடைத்தது.

ஒரு நாள் அறிஞர் ஒருவரிடம் சென்று, தனது கஷ்டத்தை, முறைப்பாட்டை முன் வைக்கின்றான்.  அவர் சில அறிவுரைகளைக் கூறினார். அன்றிலிருந்து அந்த வேலையை வெறுத்தவனாக  தான் அல்-குர்ஆனையும் கற்று, மார்க்க வகுப்புக்களிலும் கலந்துக் கொள்ள வேண்டும் என்ற நோக்கோடு வேறொரு வேலையை தேடுகிறான். ஆனாலும் எங்கு தான் செல்ல? பின்னர் மார்க்க அறிஞர் அவனை பார்த்து,  நன்மையை, தனது தேவையை வேண்டி தொழும்  தொழுகையைப் பற்றி (இஸ்திகாரா தொழுகை) தெரியுமா? என்று கேட்க, அவன் தெரியாது என்று கூறினான். பின்னர் அதனை கற்றுக் கொடுத்தார். அவன் உடனே இஸ்திகாரா தொழுகையைத் தொழுதுவிட்டு இறைவன் பால் நம்பிக்கை வைத்தவனாக பிரார்திக்கின்றான். பின்னர் முயற்ச்சி செய்து ஒரு வேலையை பெற்றுக் கொள்கின்றான்.

மத்தியகிழக்கில் இஹ்வானுல் முஸ்லிம்களின் சாம்ராஜியம் - அஞ்சுகிறது இஸ்ரேல்

சிரிய அதிபர் பஷார் அஸதின் வீழ்ச்சி இஸ்ரேலை துடைத்தழிக்கும் ஒரு பேரனர்த்தத்‌தை உண்டாக்கும் என இஸ்ரேலிய பாதுகாப்பு அமைச்சின் பாதுகாப்பு மற்றும் அரசியல் சபைத் தலைவர் ஜெனரல் ஆமூஸ் கிலாட் எச்சரித்திருப்பதாக இஸ்ரேலிய இராணுவத்துக்கு சொந்தமான வானொலி சேவை செய்தி வெளியிட்டிருக்கிறது.

எகிப்து, ஜோர்தான் மற்றும் சிரியாவில் செயற்பட்டுவரும் இஹ்வானுல் முஸ்லிமூன் அமைப்பின் தலைமையில் மத்திய கிழக்கில் உருவாகப் போகும் இஸ்லாமிய சாம்ராஜ்யத்தின் விளைவாகவே இந்நிலை ஏற்படும் என்றும் அவர் எச்சரித்திருக்கிறார். 

இஹ்வானுல் முஸ்லிமூன் அமைப்பினர் இஸ்ரேலை  அழித்து இஸ்லாமிய சாம்ராஜ்யத்தை  கொண்டுவரும் திட்டத்தை  கொண்டிருப்பதாகவும் அவர் குறிப்பிட்டார்.  இஸ்ரேல் பேரழிவொன்றை எதிர்நோக்குகின்றது. இஹ்வானுல் முஸ்லிமூன் அமைப்புடன் போர் புரிவதற்கான பெரும் அச்சுறுத்தல் தொடர்ந்தும் நிலவி வருகிறது எனவும் அவர் தெரிவித்திருக்கிறார்.  

பலமுனைகளிலிருந்து சூழும் அபாயங்களை குறிப்பாக ‌எகிப்திலிருந்து வரும்  அபாயங்களை இஸ்ரேல் உணர்ந்திருக்கிறது. எனவேதான் துருக்கியுடனான உறவுகளை சீர் செய்ய இஸ்ரேல் தீர்மானித்தது. முஸ்லிம்களுடன் பலமுனைகளிலிருந்து போர்புரிய இஸ்ரேல் நிர்ப்பந்த்திக்கப் பட்டால், இறுதியில் அது நிச்சயம் பேரழிவையே ஏற்படுத்தும் என்றும் அவர் தெரிவித்திருப்பதாக இஸ்ரேலிய இராணுவத்துக்கு சொந்தமான வானொலி சேவை மேலும் தெரிவித்திருக்கிறது.

sources-yarlmuslim

உலக பிரச்சினைகளுக்கு குர்ஆன் போதனைகள் தகுந்த தீர்வாகும் - பேராசிரியர் பீரிஸ

இலங்கையில் பெரும்பான்மை பெளத்த மக்களுடனும், இந்துக்களுடனும் முஸ்லிம்கள் சமாதானமாகவும் நல்லெண்ணத்துடனும் வாழ்ந்து வருகின்றனர். மகத்தான மத சகிப்புத்தன்மையுடனும், தமக்குள்ளான நல்லெண்ணத்துடனும் இங்கு மக்கள் சமூகம் வாழக் கிடைத்தமை பாக்கியமாகும். பிரதமர் தி. மு. ஜயரத்ன இவ்வாறு தெரிவித்தார்.

உலக முஸ்லிம் காங்கிரஸ¤ம், ஸ்ரீலங்கா இஸ்லாமிய நிலையமும் ஏற்பாடு செய்த சர்வதேச இஸ்லாமிய மாநாட்டில் பிரதம அதிதியாகக் கலந்து கொண்டு பேசுகையில் பிரதமர் இவ்வாறு கூறினார். பிரதமர் தொடர்ந்து பேசுகையில்:-

முஸ்லிம்கள் இலங்கையில் குறிப்பிடத்தக்க நிலையில் உள்ளனர். நாட்டில் குடியேற்றங்களை உருவாக்கிய அரபு வர்த்தகர்களுக்கு பெளத்த மன்னர்கள் காணிகளையும் புகலிடங்களையும் வழங்கியமை வரலாற்றுப் பதிவாகும். 17 ஆம், 18 ஆம் நூற்றாண்டுகளில் முஸ் லிம்கள் போர்த்துகீசராலும், ஒல்லாந்தர் களாலும் பாரபட்சத்துக்கு உள்ளாக்கப்பட்ட போது மலையகத்தின் பெளத்த மன்னர்கள் முஸ்லிம்களுக்கு குடியிருப்புக்களையும், வசதிகளையும் வழங்கினர்.

முஸ்லிம் சமூகத்தின் வரலாற்று திருப்புமுனைக்காக காத்திருக்கும் தலைநகரம்!

பாப்புலர் ஃப்ரண்ட் ஆஃப் இந்தியா சார்பாக வருகின்ற 26 மற்றும் 27 ஆகிய தேதிகளில் நடத்த இருக்கும் சமூக நீதி மாநாட்டிற்கான பிரச்சாரங்கள் அனைத்தும் இந்தியா முழுவதும் நிறைவும் தருவாயை அடைந்திருக்கிறது. நாடு முழுவதும் நடைபெற்ற இப்பிரச்சாரத்தின் மூலமாக முஸ்லிம் சமூகத்தின் மத்தியில் பெரும் எதிர்பார்ப்பையும் ஆரவத்தையும் ஏற்படுத்தியிருக்கிறது மாநாட்டின் முக்கியத்துவத்தை பற்றி நடைபெற்ற பிரச்சாரங்கள் நாட்டின் பட்டி தொட்டி எங்கும் நடைபெற்றது. சமூக நீதி பற்றிய விழிப்புணர்வை ஏற்படுத்திய இந்த பிரச்சாரத்தின் வாயிலாக பெரும்பாலான மக்கள் சமூக நீதியின் முக்கியத்துவத்தை உணர்ந்து கொண்டதை நம்மால் காண முடிந்தது.

நாடு முழுவதும் நடைபெற்ற பிரச்சார பொதுக்கூட்டங்களில் ஆயிரக்கணக்கான மக்கள் கலந்து கொண்டனர். "தேசத்தை நீதியால் கட்டமைப்போம்" என்ற தலைப்பில் நாட்டின் பல முக்கிய மாநகரங்களில் நடைபெற்ற கருத்தரங்களிலும் பெரும்பாலான மக்கள் கலந்து கொண்டனர். மாவட்ட மற்றும் தாலுகா அளவிலும் மாநாட்டின் செய்தியை மக்களிடம் கொண்டு சேர்க்கு வகையில் தெருமுனைக்கூட்டங்கள் மற்றும் சிறு கூட்டங்கள் நடைபெற்றது. பாப்புலர் ஃப்ரண்ட் ஆஃப் இந்தியாவின் உறுப்பினர்கள் மிகக்குறைவாக இருக்கக்கூடிய இடங்களில் கூட மாநாட்டின் பிரச்சாரத்திற்காக நடத்தப்பட்ட பேரணிகளிலும் இன்னி பிற நிகழ்ச்சிகளிலும் ஏராளமான மக்கள் ஆர்வத்துடன் கலந்து கொண்டனர். ஊடகத்துறை, தொழி நுட்பத்து துறை, இன்ட‌ர்நெட் போன்றவற்றின் மூலமாகவும் மாநாட்டினுடைய செய்திகள் பிரபலமாக்கப்பட்டது.

பேருந்து கட்டணம் மற்றும் பால் விலையை உயர்த்தியது தமிழக அரசு

சென்னை:மத்திய அரசு எந்த உதவியும் செய்யாததால் பஸ் கட்டணம், பால் விலை ஆகியவற்றை உயர்த்த தமிழக அரசு முடிவு செய்துள்ளதாக முதல்வர் ஜெயலலிதா கூறியுள்ளார். மின்சார கட்டணமும் விரைவில் உயர்த்தப்படும் என அவர் தெரிவித்தார்.

இதுகுறித்து நேற்று ஜெயலலிதா வெளியிட்ட அறிவிப்பு: 
“தமிழக அரசு மட்டுமல்லாமல் தமிழ்நாடு மின்சார வாரியம், அரசு போக்குவரத்து கழகங்கள் உட்பட பல்வேறு பொதுத்துறை நிறுவனங்கள் கடன் சுமையாலும் நிதி நெருக்கடியாலும் முடங்கும் அபாயம் ஏற்பட்டுள்ளது.

கூடுதல் மின்சாரம் வேண்டும்; மண்ணெண்ணெய் வேண்டும்; மடிக்கணினி வழங்க நிதி வேண்டும்; மீனவர் மேம்பாட்டுக்கு நிதி வேண்டும் என டெல்லி சென்று பிரதமரிடம் மனு அளித்தேன். மனு குறித்து திட்டக்குழு முடிவு எடுக்கும் என்று பிரதமர் தெரிவித்தார். இருப்பினும் எந்த உதவியும் கிடைக்கவில்லை.

அதே சமயம், காங்கிரஸ் கூட்டணியில் உள்ள கட்சி ஆளும் மேற்கு வங்க அரசுக்கு  ரூ21,614  கோடியை மத்திய அரசு வழங்கியுள்ளது. இதிலிருந்து காங்கிரஸ் கூட்டணியில் இல்லாத கட்சிகள் ஆளும் அரசுகளை மத்திய அரசு புறக்கணிப்பது தெரிகிறது.

இந்த நிலையில் திவாலாகும் நிலையில் உள்ள பொதுத்துறை நிறுவனங்களை நிலைநிறுத்த வேண்டிய அவசியம் ஏற்பட்டுள்ளது. தமிழ்நாடு மின்சார வாரியம்  ரூ40,659 கோடி நஷ்டத்தில் இயங்குகிறது. வாரியத்தின் கடன் சுமை 42,175 கோடி. மின்சாரம் விற்றவர்களுக்கும் ஒப்பந்ததாரர்களுக்கும் கொடுக்க வேண்டியது 10,000 கோடி. அரசின் மொத்த கடன் ஒரு லட்சத்து ஆயிரத்து 349 கோடியுடன், மின்வாரிய கடன் 53,000 கோடியை ஒப்பிட்டால், வாரியத்தின் மிக மோசமான நிதிநிலை தெரியும். இதற்கு மேலும் வாரியத்திற்கு அளிக்க அரசிடம் பணம் இல்லை.

அத்தியாவசிய தேவைகள் மீது வரலாறு காணாத அட்டாக்
இந்த நிலையில் திவாலாகும் நிலையில் உள்ள பொதுத்துறை நிறுவனங்களை நிலைநிறுத்த வேண்டிய அவசியம் ஏற்பட்டுள்ளது. தமிழ்நாடு மின்சார வாரியம்  ரூ40,659  கோடி நஷ்டத்தில் இயங்குகிறது. வாரியத்தின் கடன் சுமை 42,175 கோடி. மின்சாரம் விற்றவர்களுக்கும் ஒப்பந்ததாரர்களுக்கும் கொடுக்க வேண்டியது 10,000 கோடி. அரசின் மொத்த கடன் ஒரு லட்சத்து ஆயிரத்து 349 கோடியுடன், மின்வாரிய கடன் 53,000 கோடியை ஒப்பிட்டால், வாரியத்தின் மிக மோசமான நிதிநிலை தெரியும். இதற்கு மேலும் வாரியத்திற்கு அளிக்க அரசிடம் பணம் இல்லை.